Marakayja Parageta
Marakayja ro’õ raka’e xane Apyãwa ramõ xireka Makaxiwewe wi. Ymy ro’õ raka’e Apyãwa gy nakwaawi akawo Marakayja, a’e ro’õ raka’e Makaxi wowa ne akwaap akawo Marakayja, akwaapap ro’õ raka’e marakapara, marakayypa. Epewera ro’õ raka’e akwaap akawo. Makaxi wowa ne. Makaxi rowa rera ro’õ raka’e Xawaromy, Waxaira agy ro’õ apyyk Makaxi wi towa, ekaete ro’õ raka ’e a’o Waxaira agy inoga, a’aa’ak pane ro’õ raka’e Waxaira agy inoga Makaxi rowa wi imama’ema’ekwera, a’e ro’õ raka’e aoxetee a’o ramõ xepe aa’yg ’opa wemikwaawa maraka. Akwaapa ro’õ raka’e akawo Xawaromy Marakayja maraka, akwaap ro’õ raka’e Marakapara, Maraka’yypa.
Tãwa pyteripe ro’õ raka’e ityni itão mõ, a’e pe ro’õ raka’e ixema’e’i akawo Makaxi konomi’i ramõ Marakayja re. A’e re ro’õ raka’e mi ia akawo ka’ã ropi, ikweikwet ro’õ raka’e mi aawo akawo. A’e re ro’õ raka’e mi itori Awa’yão’i ramõ axema’ewo akawo Marakayja re, a’ere ro’õ raka’e ixewyri aawo ranõ, ikweikwet ro’õ raka’e mi aawo akawo. A’e re ro’õ raka’e itori Awa’yão ramõ, aapaakat ro’õ raka’e axewe amama’ema’e waryjpe wemimagy ramõ, aapa ro’õ raka’e ixope akygetara, inimaxigoo, xywaypyo, paapy, tamakora, awaawa, awai, tamakoramapira, tetymyarawy, apiwaawa, akygetara ypyawa wyraoeteopepa, ypewoopepa, yyka, arawaja, aramoro, wyraawa, oroko, mina, namikwareã, temekwara, ma’yranemaja, ma’yrete, xanypawa. Epewera ro’õ raka’e aapa ixope. A’ere ro’õ raka’e ixeapa Awa’yão ramõ irapata Marakayja, epe ro’õ raka’e imaypy axeapawo Awa’yão, akewo awaxewete ryro pe.
A’e ro’õ raka’e Wajwi’i aerewi akawo Makaxi piry’ãja, ikamorekweri pane ro’õ raka’e a’owej’i akawo Wajwi’i Makaxi wi. A’e mamarakaawa ro’õ mi nyn, apiro wekoxy’i awã ia ’e’e’e, apiro wekoxy’i awa ia ’e’e’e ie kamorekweri apiro we koxy’i. Kaaroka ramõ ro’õ raka’e epaga ia’ygi aa matata Makaxi. A’e ro’õ raka’e Makaxi nama’ekatoj irawewewo, pok apyyk ro’õ raka’e ixyware irawewewo, ekwe ia xanewi kwyy e’i ro’õ raka’e Waxaira agy Makaxi wewe ramõ.
A’e ro’õ raka’e Wajwi’i ipairi ’ota a’ata makaxi wi, amapepeni ro’õ raka’e Wajwi’i ’ota a’ata Wajwi’i ywy pe. Aexari ro’õ raka’e Wajwi’i axee apajtyra, wowa ro’õ raka’e aepyk Makaxi. Makaxi tana ro’õ raka’e aa ake ro’õ raka’e aawo ywyraywyja ropi. Awyãwyk ro’õ raka’e Makaxi Akagetãra ywyraywyja ropi akewo ’opa.
A’e ro’õ raka’e Waxaira gy amamyro pane, ka pane ro’õ raka’e itowi apika, amaapapap pane ro’õ raka’e ee ka’ã, a’e ro’õ raka’e aoxetee naowi. Ypytonimo ro’õ raka’e ipari Makaxiwewe ywyraywyja wi. A’e ro’õ raka’e pe pyteri pe amait i’atykawo mina, eere ro’õ raka’e ikwarapa inimaxigoo, eere ro’õ raka’e ikwarapa akygetãra, eere ro’õ raka’e ikwarapa Xywaypyo, eere ro’õ raka’e ikwarapa akygetarynawa awaawa ne, eere ro’õ raka’e ikwarapa tamakoramapira, eere ro’õ raka’e iekyjta temekwara, eere ro’õ raka’e ipiraka axewi wyraawa. Amama’ema’e kwarapawi re ro’õ raka’e ia Makaxiwewe, nikwaapawi ro’õ mygaty iawera. Iwewe re xepe ro’õ raka’e ieraki Makaxiwewe pe, itexiro ro’õ raka’e akawo Makaxiwewe.
Peinop marakayja
1)Hoxexexee
Hoxexexee
Awaxejpa
Awaxejpa ikaika wetywyri
Awaxejpa ikaika kamyxawa
2)Hamarari kamarari
Epirapirarike eywyrapara
Ewokoko katy kamarariri
Taane takykwekaty kamarariri
3)Erexoiwa erexoiwa
Erenaka xepi
Iete tenotaramo taxowine penee
Marakapaxigiarimo taxowine penee
4)Hi'ie hi'i'ie
Taane wetetyjme taane wetetyjme ie
Taane wetetyjme
Taane tawo'yma perexaka ie
5)Wa'ie wa'ie
Oronawa'ie oronawa'ie
Erekakato ke exomi'a wetywyra
Hato kwarypype xerexemipymipya wetywyra
6)Aranonawa erenaka xepi erenaka xepi
Aranonawa erenaka xepi erenaka xepi
Marakapaxigiari katywaka xapyyk
E'i penemie xanemie ararona pypykamo
7)Xakoo xakoo xarine
Xakoo xakoo xarine
Axetymywygie arakori ie
Yopawytyga remyaawire py
8)Iroxeamynaka axaranewi
Iroxeamynaka axaranewi
eparakawera xeorokoroywo
Tota'yrena ka'a pe ie parerakaweripe
ie pixaxapixaxape rare
9)Hiroxexe hiroxexe
Hiroxexe hiroxexe
Arakoxinimo pypyykamo
Erexerawia teewi exee wetywyri Okariwã
10)Wenoka'emire to wenoka'emire
Anememyroyro ramexena xerywyreta
O'ypepa yroyro ramexena xerywyreta
Akoxipia ka'a ka
11)horoaoro xe araate penowi
Axerawiarawia xekoxy'i ge xerehe
iraa komanarype iemyaawirepy
12)Xakororo Xakororo nejnejne
Xakororo Xakororo nejnejne
Ama'eapywa xe ekwe nereraha
Ajemakwaekwaem wexawaxara ikwajwa nejnejne
13)Hepyta pepyta arewi eirywa
Hajtajtarywa hajtajta pepy
Ama'eapywa xe ekwe nereraha eirywa
amoxeyapaxyga xe ekwe nereraajrywa
14)Ywapaje ywapaje worone'ywapaje
xepaxeoxeo worone ywapaje
Marynamo na'e maraowyna mo na'e
15)Hei'ei'e erei'ei'e
Xamarara xamarara we
Haje makwaekwaem wetawaxara ikwajwa
16)Hakajera horirawa
Awakajera horirawa wa
Xerapearo xerawaxara ra'e
Itapexewaka'a pe reywoywoje raka
17)Hinawiara xokare
Hinawiara xokare
Erexerawiawiara ekawo
Nawiara ekawo
18)Kwe ia ane tee ipararygawa mo
Ane remi'o'ywa pa ka ha xako ane
axe'iwe ipararygawa mo
19)Harirare xarire rarire
Harirare xarire rarire
Harirare xarirare xarixarirare xarirare
20)Torirawaxa torirawaxa'e
Torirawaxa torirawaxa e'e
Iryne'yma paka ane wetywyri
Marakapara re tywa
21)Torira torira xe
Torira xe
Xerywyra xerepykine torira xe
Ajkatowa xerepykine
Ajtotepe mimakekywari ramo ne he
Xerywyra xerepykine torira xe
Xekakopara xerepykine
Ajtotepe mimakekywari ramo ne he
22)Aito xipa penee hi'ie
Aito xipa penee hi'ie
Inynowara xepe ere'at hi'ie
Xekakopara mo xe ere'at hi'ie
Ajtotepe mimakekyywari ne he hi'ie
23)Maryryxa'e'e
Maryryxa'e'e
Apirog wekoxy'i
Ie kamorekweri apirog wekoxy'i
24)Awa ia e'e
Awa ia e'e
Apirog wekoxy'i
Ie kamorekweri apirog wekoxy'i
Hooo
1)Hewi xope rewi xope
Hewi xope rewi xope
Ikaxowe nera'yra ne xawe
Ie xowe te taxoka ne rewixope
2)Hirahorirawa xeexe
Hirahorirawa xeexe
Horirawa xeexe
Atawokwanynike wyra ke xere he
Ie waxa exakarera teewi wa
Ie myxowi wyra iepoenowire
3)Hamaxonaewie raka
Horirawa araxamaxonaewie raka horirawa
Hamaxonaewie raka iypy pexe
Ywyrapaxa'apekaka penee wetawaxara
Ikaxamaxa'apatata penee wexawaxara
4)Nikanika nikare
Amaxona emanawo xepirem
Amaxomaxon xemanawo xepirem
Arakokapari axapyy wetywyrige we
5)Haranikanika
Amamyto'o naka ie wexywa'i
Wexywa awoxere wexywa'i ge
6)Tojeteene Tojeteene
Taitojeteene
Akajweri ramo xepe axapyyk wetywyri
Inynawari rano xepe axapyyk wetywyri
Waratoena ka'a pe wexapyykire tekwe
7)Tojetee xiraraxe
Haitotee xiraraxe
Axanoxanogie raka o'ypepa
Ie ro'ypepa kwerige axanogie
8)Xawara pexoka
Xawara pexoka
xirara xe
Ikyxiwoewi takwara ra'e pa
Ikyxiwoewi opimyna ra'e pa
9)Axemaxixi kawire are
Axemaxixi kawire are
Ikyxiwoewi takwara ra'e pa
Ikyxiwoewi opimyna ra'e pa
10)Hanikenike
Anikenike
Amano tanera'y temanoro
Emyemyroro taperoo ka'a xe'exe'egarera
Emyemyroro ewio ka'a pe xe'exe'egarera
11)Wetamerame wetamerameexe
Atee awa ke iepoenowire
Aperoo ka'a pe iepyenowire
Aperoo ka'a pe wetakwapetymire
12)Haxowete ierorire
Ikaxowete ierorire
Axeywyrapaawa xeremipyyweri tewa
13)Harinewa
kariinewa
kariinewa
Axaexaena xeree kanine'i
Exewyrimo we'yna xewerawexakire tekwe
14)Kawawaxowiri koxy haxaxa'e
Kawawaxowiri koxy haxaxa'e
Axaexaena xeree kanine'i
Exewyrimo we'yna xewerawexakire tekwe
15)Atee kawi eperekajxe xawe tajtotee
Kawi eperekajxe xawe tajtotee
Kawi eperekajxe xawe
Axaexae xeree kanine'i
Exewyrimo we'yna xewerawexakire tekwe
Hooxai hooxaixai
16)Hatee awake ierorire
Ie ke awã ke ierorire
Axaexaena xeree kanine'i
Exewyrimo we'yna xewerawexakire tekwe
17)Axowarari axowararia
Axowarari axowararia
Iraekywena xeawywonakapy
Yaroo pypiarera xeyawaxarire wa
18)Axowiriri axowiriri
Awoxejre'a axowiriri
Iraekywena xeawywonakapy
Anekeree manakapaje wetawaxarie
19)hiria riria
Xamaxa'akire
Anaxeywyna mo ewe takwari
Inamotoa ka'a pe xewerawexakire wa
Inamotoa ka'a pe xeywaxarire wa
20)Xamaxa'akire xarirage
Xamaxa'akire xarirage
Axanoxanogie raka o'ypepa
Ie ro'ypepa kweri axanogie
21)Weparire tamanaka wexerawi axa
Wexywaparire tamanaka wexerawi axa
itapoxiwaja xemanakanakapy
Iararowaja xemanakanakapy
Anekeree manakapaje wetawaxarie
22)Kaxawi kaxawirimo remore
Kaxawi kaxawirimo remore
Inynawari pami marynie apepy
Awaxokyre'i pami marynie apepy
Apepypepy katonika maryna apepykawa mo
23)Ayapapini xerehe xe
Ayapapini xerehe xe
Ayapapini xerehe awekoxy'i xerawaki xe'arawaje
Awekoxy'i xerawaki xe'arawaje
24)Aneryne'yma ararokaja
Ararokararokaja
Aneryne'yma ararokaja rowi
Aneowaowateewie raka xexaregiewe
25)Axepykire ixepe'a xaxawi
Axepykire ixepe'a xaxawi
Axepe'a xe axawi
Arakopywyrimo araywo
Wexewyrimo we araywo tekwe
26)Pyjpyjnamo weiro ramo
Pyjpyjnamo weiro ramo
Axe'exeg inamo'i e'ynara
Axe'exeg tepakwa'i e'ynara
Ikaxowe iepyramo aramaxomaiwire
27)Hajxagine tajxagine
Hajxagine awaja rowi
Epyepy exomi'a imameopyramo xe
28) E'i xaripewi xa'e
Ekei ikoj'i paka ne peke'i'i
Epyepy exomi'a imameopyramo xe
Tooo tooo
Xawaromy
1)-Herexowe rexowere
Herexowe hererexowe here
Apyawa xepe'i na pexoka xemykweri
Wyratywa axepe'i na pexoka xemykweri ramo
Awaekakato nika aty naetyki wereka tewe
2)-Hi'ie'ie a'a
Hi'ie'ie a'a
Ema'ema'e wari ramo xerereka xepe
Ekomanaroro wari ramo xerereka xepe ne Tywã
Exawaxikwaxigoo wari ramo xerereka xepe ne Tywã
3)-Toari toariri heiapyawe
Toariri heiapyawe
Akaxymaxyma xepe te'i arara ixowe
Apepykayka piryge'yminoga wee
Heiexana akaxymamiagy
4)-Xoaxixia xoaxixia
Erekakato ke exemiari wetywyri
Ererekajxowe exemiari wetywyri ne xare'yma
Awaekakato aka wemiara maxa'aka
5)-Warare xawarare
Warare xawarare
Ereakato xowe tekwe xepe ironaga
Xenopyaewi ke xepe ironaga
6)-Wianarire kawianarire
Awaxerawiara awaxerawiara
7)-Exokaike aygarewima'e
Warare xawarare
8)-Xawara xawara erenaka xepi
Erekakatoteke anej ramo he
Ikatoetena xeopara xeope
ikatoetena awowara xeope
Iraa xonokatope xanexapepykire
9)-Xawarona xawarona xe ie ha'a
Axepexepe pane xowete apyawi ramo xepe tekwe
Awoxekatoete xerywyri awaropy arepyjnamo
10)-Marynamona'e xekwaapa pe xepe
Xekopywajwerige xeawywonakapy
Aarena ka'a pe xexemaxerewirepyy
11)-Anetorori wyra
Netorori wyra
Enog yapepa netorori wyra
Ewoko xerywyri yapepa wete ramo inoga netorori
12)-Hiriwa ririwa
axema'e exanike xerywyri tota'yrena ka'a pe
Hierawaxiwaxiwo
hierawaxiwo, ierawaxiwaxiwo
13)-Axemaxixi kawi aree
Axemaxixi kawi aree
Axemaxixi ywyrapara xerehe
Axemaxixi akamaxywa xerehe
Ywaparawapeka wenoka'emire taka'e
14)-Hooriawe hoori
Hooriawe hooriawe
Apakapaka maraxoka xaneree xano
15)-Apekoparyga ateewitewã
Apekoparyga ateewitewã
Ewoko xerywyri apeko ateewi wa
16)-Xakoxarine xakoxarine
Axe'egine wyra xakoxarine
Hei'a'a hei'a'a
17)-Hakawajwi
Awajwiepereka awakawajwi
Ereteej weraweraxomie koxy
Weraweraxomie koxy
Iererajwa rerekawo weraxomie
18)-Xamatori xamatori xamatorira
Xamatori xamatori xamatorira
Iraekywenika iero'ypimy
Iraekywenika ietokomy
Iraa xanokato pe xanexapepykawera
19)-Xamatorira xamato riraxamato rira
Xamatorira xamato riraxamato rira
Arekakato exomi'a pyapy
xanerakwykwekato xe
20)-Xamatori xamatori xeexee
Axawerekaete pexarygie xeree
Xanypapia ka'a pe xekaty xemimaweripe xeexee
21)-Nakwaawi temaryna
Nakwaawi temaryna
Torirawaxa Torirawaxa nakwaawi temaryna
Hanakwaawi temaryna
22)-Pexeewi xeope
Pexeewi xeope
Ika xikatamyari ma'e
Amyna pyxapykaria
Epyy xikatamyari ma'e
Exawaxi xapykaria
23)-Xawaxi ka'emire xaware
Xawaxi ka'emire xaware
Anaxeowynamo ewe Takwari
Erewawaxowi'i tokoroo wewe ramo
erewaje waje waje he
24)-Xaetymarynaxa
Xaetymaryna
Xaaxaa
25)-Xepepe xemo xawarona xe
Axepepe xemo xawarona xe
Axe'i weke xomi'a araka
Wetetyjme weke xomi'a araka
Aneryne'yma paka re Tarawe'i xemiweri
Axepepe xemo xawarona xe
Marakapara
1)-Hatoni parany exerexaka
Hatoatoni parany exerexaka
Emyemy ka'a pe parany exerexaka
2)-Wyxawyxa'e
Wyxawyxa'e
Xawaxi pe'i wyxawyxa'e
3)-Araronawa xika xawara xerehe
Xawara xerehe
Araronawã xika xeree
Axemakerere xowe xawarogie xerehe
4)-Hie ie ie
Hie ie ie
Yararona xaaxa
Yaranorona rapyta pe rekawineryna erexoka
5)-Hi hi hi
Hã hã hã
Ikatokato teke aripe Koxy
Ewoko xerywyri awaparexagato
Emamikike xano he
6)-Axowiririri akajwera
Axowiririri akajwera
Amano pie akajari ma'e
apokoywyra axa erekwawera
Xawaratywywyri axa erekwawera
7)-Wyraperere wyraperere
Wyraperere wyraperere
Arakerine wetopa wyraperere
A'e wexawoo tawoo wexawoo
8)-Anikinike anikinike
Anikinike anikinike
Amano xanera'y temanoro
Emyemy ka'a pe xe'exe'egarera
9)-Oteete parakoriririri
Heririri hemore
Oteete parakoriririri
Heririri hemore
Axemamytyga arakora werora
Haje retyjme arawajemy pe
Haje retyjme awajkyry pe
10)-Anaxepitowi nemororoke moke
xepitowi nemororokee
11)-Amynaxape pexexe
Mynaxapexe pexe
Ie rape xakarine he
Kaxape pexexe
12)-Xepi kawawaxowa miara reewe
Xepi kawawaxowa miara reewe
Xeremiara reewe
Wemiara reewe
Wemiarigereewe
13)-Yypatyypaty aweenaka amanari amanari
Yypatyypaty aweenaka amanari amanari
Aypatywa re namaxerawiarakari wa hamarari hamarari
Namaxerawiarakari wa hamarari hamarari
14)-Xamarara kwara rarikaj exokaikamo
Xamaxamarika exokaikamo
Epawaewaena ywytyrige ixope exokaikamo exokaikamo
Ywytyrige ixope exokaikamo exokaikamo
Tooo
História de Marakayja
Marakayja é uma festa que tem sua origem em Xawaromy e em seu filho Makaxi.
Xawaromy era uma pessoa que já sabia a música Marakayja. Ele era o compositor da música. Antes não existia essa festa e ninguém sabia a música. O Xawaromy cantou a música e foi assim que se criou uma verdadeira festa.
Xawaromy levou o seu filho na caçada subindo o morro.
O Makaxi gostou do morro e não quis mais voltar, mas, assim mesmo, o pai o trouxe de volta. O Makaxi, por sua vez, insistiu com o seu pai para subir o morro, até que Xawaromy cansou de ouvir a palavra de seu filho e o levou no morro.
O pessoal da aldeia já sabia que ia acontecer alguma coisa com eles. No morro, o Makaxi fez muito barulho, jogando pedras e gritando. No rumo desse barulho, veio um povo diferente que comia a carne humana. Esse povo era chamado Waxaira. O Xawaromy correu com seu filho e o povo correu atrás deles, os pegando.
O Makaxi correu para aldeia chorando e o Waxaira comeu a carne do Xawaromy vivo. Quando o Waxaira estava comendo, o Xawaromy estava cantando a música. Waxaira prestava atenção na música dele. O Xawaromy estava contando tudo o que os Waxaira estavam fazendo enquanto comiam, e Makaxi estava chorando com saudade do pai.
Todo Waxaira queria aprender a música do Marakayja.
Todas as noites o Makaxi chorava deitado na rede do seu pai. Makaxi era apenas uma criança de mais ou menos seis anos, e ficava sozinho. O Makaxi ficava numa aldeia enorme e no centro da aldeia tinha uma pedra grande. Lá em cima da pedra, ele vivia cantando e chorando.
O Makaxi se preparou para a festa. Esperou criar cabelo e depois fez cocar. Ele falava para o povo fazer enfeites para usar na festa. Quando ele dançava, uma velhinha pegava nas costas dele. Quando Makaxi cantou tudo o que seu pai cantava, pulou e foi para cima da Takãra. Desceu e correu no rumo do mato. O pessoal da aldeia correu atrás para o procurar, mas não o acharam.
Ele entrou num enorme buraco de madeira e ficou paradinho, só pensando.
O pessoal da Aldeia Waxaira correu no rumo dele, passando por cima, mas não conseguiram achá-lo.
Depois que voltaram para a aldeia, o Makaxi saiu do esconderijo desmontando todos os enfeites do seu corpo. Quando tirou os enfeites, o Makaxi correu e não voltou mais. A intenção do povo Waxaira era pegá-lo e comer sua carne, mas eles não conseguiram.
Ele sumiu e a música segue com o povo Tapirapé.
